Një ngjarje e rëndë ka ndodhur gjatë mesnatës në Bulqizë, ku një lëndë plasëse në sasi të vogël ishte vendosur në pjesën e përparme të një automjeti duke shkaktuar vetëm dëme materiale.
Policia dhe grupi hetimor kanë shkuar me urgjencë në vendngjarje dhe po vijojnë punën për identifikimin dhe kapjen e autorit.
Nga informacionet paraprake bëhet me dije se eksploziv i është vënë, Elton Debreshit, ish-kandidatit të pavarur për deputet në Dibër në zgjedhjet e 25 prillit.
Nga shërbimet e Policisë janë shoqëruar në Komisariat disa persona që dyshohen se mund të kenë dijeni për rrethanat e ngjarjes.