Së shpejti, Jeff Bezos pritet të niset për udhëtim në Mars dhe të gjithë ata persona që nuk e mbështesin dhe nuk e duan, e kanë parë këtë si një mundësi që ai “të qëndrojë atje përgjithmonë”.
Përpara nisjes së raketës së kompanisë së tij Blue Origin, Neë Shepard, i cili do të çojë njeriun më të pasur të botës dhe vëllain e tij në hapësirë gjatë muajit korrik, një peticion është krijuar duke bërë thirrjë që Bezos t’i refuzohet rikthimi në Tokë.
“Jeff Bezos është në të vërtetë Lex Luthor, maskuar si pronari i supozuar i një dyqani online. Sidoqoftë, ai është në të vërtetë një perandor i lig që merret me dominimin global. Ne e dimë këtë për vite me rradhë. Jeff ka punuar me Epstein dhe Knights Templar, si dhe Masonët e Lirë, për të fituar kontrollin mbi të gjithë botën. Ai është gjithashtu në shtrat me ata që mohojnë se toka është e rrafshët. Ndërkohë qeveria jonë qëndron në hije dhe e lejon këtë të ndodhë. Ky mund të jetë shansi ynë i fundit para se ata të mundësojnë mikroçipet 5G dhe të bëjnë një pushtim masiv.”, tha krijuesi i peticionit.
Ndër të tjera ai sugjeroi që fluturimi hapësinor i Bezos është mundësia e “artë” për të çliruar botën nga një “njeri i keq”.
Nuk dihet nëse ky peticion është një “shaka” apo punë e një teoricieni konsipracionet, por sido që të jete ka tërhequr vëmendjen e njerëzve dhe ka marrë mbi 6000 nënshkrime në më pak se një javë.