Deputeti Demokrat, Belind Këlliçi, ka takuar dje deputetin socialist Pandeli Majko. Kandidati i primareve të PD-së në garën për përzgjedhjet e kandidatit të demokratëve për zgjedhjet lokale të 14 Majit ka shtrënguar dorën dhe shkëmbyer një bisedë të shkurtër me deputetin e vjetër e mazhorancës.
Biseda mes Këlliçit dhe Majkos ka zgjatur pak çaste, por dhe të dy shihen të buzëqeshur teksa shkëmbejnë disa fjalë. Mesa duket, kandidati i primareve të PD dhe ish-Kryeministri socialist kanë respekt të ndërsjellë për njëri-tjetrin, pavarësisht përkatësisë politike.
Takimi mes tyre ndodhi në ceremoninë përkujtimore për ushtarët britanikë të rënë gjatë Luftës së Dytë Botërore në Shqipëri të mbajtur në Tiranë ku ishin të ftuar. Shtrëngimi i duarve ndodhi 1 ditë pas protestës së 12 nëntorit të organizuar nga opozita por pavarësisht kësaj te të dy bashkëbiseduesit nuk ndikoi situata aktuale dhe ndasitë politike.
Nuk dihet nëse nisur nga eksperienca e tij, socialisti Majko i ka dhënë ndonjë këshillë politike Belind Këlliçit për të fituar primaret brenda PD-së apo biseda mes tyre ka qenë vetëm miqësore dhe larg politikës së ditës. Kujtojmë që Berlind Këlliçi është një nga kandidatët që janë futur në primaret e PD për të qenë kandidati zyrtar i PD për zgjedhjet lokale të 14 majit në Bashkinë e Tiranës.