Doktori i ekipit kombëtar të Danimarkës ka konfirmuar se futbollisti Christian Eriksen pësoi arrest kardiak gjatë ndeshjes kundër Finlandës për Kampionatin Europian.
Por për doktorët është ende mister se çfarë i shaktoi probleme me zemrën futbollistit që u shemb në fushë në pjesën e parë të lojës.
Për 13 minuta, ekipi mjekësor kreu masazh kardiak, duke e rikthyer në jetë 29-vjeçarin i cili u transferua më pas në spital për testime të mëtejshme.
Doktori Morten Boesen konfirmoi gjatë një deklarate për media se futbollisti pësoi arrest kardiak, por tha se shkaqet janë ende mister.