Presidenti brazilian, Jair Bolsonaro është gjobitur nga gjykata pasi ofendoi gazetaren.
Presidenti Bolsonaro, kishte deklaruar vitin e kaluar që Patrícia Campos Mello, kishte ofruar kryerjen e marrëdhënieve seksuale me një person, i cili do t’i jepte asaj informacione në lidhje me të.
Gjykatësi tha se këto komente të Presidentit kishin dëmtuar gazetaren dhe ai do të detyrohet të paguajë 20,000 reais (2,500 £; 3,500 $) si dëmshpërblim.
Ky vendim i gjykatës është cilësuar si një fitore për të gjitha gratë dhe Grupi Gazetarët Kundër Ngacmimit thanë se vendimi shënoi një “ditë të mrekullueshme” për reporterët femra dhe gazetarinë profesionale në Brazil.
Bolsonaro, në detyrë që nga janari 2019 ka pasur konflikte të vazhdueshme me gazetarët që kanë qenë kritikë ndaj administratës së tij.