Gjatë 24 orëve të fundit, në Shqipëri nuk është regjistruar asnjë humbje jete nga koronavirusi.
Gjithsesi, referuar të dhënave të autoriteteve, ka patur një rritje të lehtë të numrit të infeksioneve.
Ministria e Shëndetësisë njofton se janë kryer 2,821 testime, nga të cilat kanë rezultuar pozitivë 18 qytetarë.
“Rastet pozitive të konfirmuara janë identifikuar në këto bashki: 6 raste në Tiranë, 4 raste në Shkodër, 3 raste Malësi e Madhe, 2 raste në Kavajë, 1 rast në Fier, Përmet, Bulqizë.”
Ministria e Shëndetësisë dhe Mbrojtjes Sociale ju bën apel qytetarëve të vijojnë të zbatojnë me përpikmëri rregullat për parandalimin e COVID19: Vendosni maskën mbrojtëse në çdo ambient të mbyllur dhe kudo ku nuk mund të ruhet distancimi fizik, kujdesuni për higjenën vetjake dhe vetëizolohuni kur dyshoni se jeni të prekur nga COVID19.