Vetëm Bashkia e Tiranës, pa ujësjellësin dhe degë të tjera, ka rreth 2500 punonjës. Mes tyre 20 janë këshilltarë të kryebashkiakut Erion Veliaj, një prej pushtetarëve më abuzues dhe mashtrues në Shqipëri.
Këshilltarët nuk paraqiten në bashki, por marrin mbi 1 milionë lekë në muaj si qokë për shkak se janë bërë pjesë e shfaqjeve të organizuara nga Veliaj në fushata elektorale. Një nga këshilltaret, Monika Lubonja, ka tre muaj që është ngujuar në një emision televiziv, ndërkohë që paguhet si këshilltare e kryebashkiakut shpërdorues të fondeve dhe besimit të qytetarëve. Por këshilltarët parazitë janë vetëm maja e ajsbergut të degjenerimit të administratës së Bashkisë së Tiranës, përbërja e të cilës tashmë duhet të përbëjë edhe një siklet të madh për Bablokun.
Nga 2500 punonjës që ka Bashkia e Tiranës, 136 prej tyre janë përgjegjës sektori dhe përgjegjës zyrash. I bie një përgjegjës për rreth 14 punonjës, duke përfshirë roje, pastrues, policë bashkiakë, zjarrfikës etj. 136 përgjegjës sektori të bashkisë me në krye Lali Erin, emrat të cilëve po i publikojmë sot për herë të parë, janë mikesha të politikanëve dhe drejtorëve, familjarë të deputetëve, njerëz të klientëve të Veliajt si dhe persona të rekomanduar nga sekserë, biznesmenë dhe miq të kryebashkiakut.
Kjo është vetëm njëra anë e skandalit. Burime të besueshme konfirmojnë se një pjesë e përgjegjësve të sektorit nuk jetojnë fare në Shqipëri, por thjeshtë u kalon paga në llogari. Prokuroria të hetojë dhe të verifikojë në sistemin TIMS se kur janë larguar këta persona nga Shqipëria për herë të fundit dhe si ka mundësi që paguhen nga Lali Eri sikur janë punonjës të bashkisë. Ka gjithashtu informacione serioze se disa prej zonjushave që paguhen si përgjegjëse sektori në Bashkinë e Tiranës, jo vetëm nuk jetojnë në Shqipëri, por punojnë eskortë në vende të Bashkimit Evropian.
Përgjegjësi e sektorit dhe zyrave në Bashkinë e Tiranës