Përfaqësuesi i Lartë i Bashkimit Evropian për politikë të Jashtme, Josep Borell pak kohë më parë qe shprehur se 11 maji mund të ishte një datë e mundshme për t’u mbajtur një takim mes kryeministrit të Kosovës Albin Kurti dhe presidentit serb, Aleksander Vuçiç.
Por një takim i tillë nuk u realizua, pasi Kurti tha se nuk shkon në takime për të cilat nuk është marrë edhe pëlqimi i tij paraprakisht.
Tashmë presidenti serb Aleksandër Vuçiç ka deklaruar se mund të takohet me Kurtin në mes të qershorit, vetëm nëse është i lirë dhe nuk ka ndonjë punë tjetër.
“Nëse ajo ditë është e lirë për mua, do të shkoj, nëse jo, do t’iu them që ta shtyjnë takimin për një ditë tjetër”, ka thënë Vuçiç nga Praga, shkruan Ekspress.