Ambasadorja amerikane, Yuri Kim ka takuar ditën e sotme kryetaren në detyrë të Gjykatës Kushtetuese, Vitore Tushën.
Kim me anë të një statusi në rrjetet sociale theksoi se tashmë Vitore Tusha e cila është dhe kryetare e KED ka përgjegjësinë të drejtojë Gjykatën Kushtetuese në shqyrtimin e çështjeve të rëndësishme.
“Unë u takova me gjyqtaren Tusha për ta falënderuar atë për udhëheqjen e qëndrueshme dhe të mençur të KED, e cila bëri të mundur që Gjykata Kushtetuese të bëhet funksionale.
Tani, ajo ka përgjegjësinë të drejtojë GJK-në në shqyrtimin e çështjeve të rëndësishme.SHBA do të vazhdojë mbështetjen e saj të fortë në mënyrë që Reforma në Drejtësi të japë rezultate,” shkruan ambasadorja.