Një zjarr ka rënë pasditen e sotme në parkingun e një pallati, në rrugë “Dritan Hoxha”, në zonën e Laprakës.
Burimet paraprake bëjnë me dije se është bërë menjëherë evakuimi i banorëve, ndërsa në vendngjarje ka shkuar ambulanca dhe zjarrfikësja, e cila po punon për shuarjen e flakëve.
Fatmirësisht nuk raportohet për të lënduar, por vetëm dëme materiale. Grupi hetimor ndodhet në vendngjarje dhe po punon për përcaktimin e shkakut të rënies së zjarrit në godinë.