Disa javë më pare nëpër portale qarkulloi lajmi se futbollisti i Kombëtares së Kosovës, Milot Rashica dhe bashkëshortja e tij, Belkiz Kera do të bëhen prindër për herë të dytë.
Mirëpo, ky lajm kishte mbetur veçse një “thashethem” pasi asnjë reagim nuk kishte ardhur nga çifti deri ditën e sotme ku në “Instagram” konfirmuan lajmin e bukur dhe zbuluan gjininë e fëmijës.
Ka qenë Belkiz ajo e cila ka publikuar disa foto dhe video të realizuara gjatë festës së organizuar për bebushin e dytë që do të vijë së shpejti.
Miloti dhe Belkiza do të bëhen sërish prindër të një djali dhe vogëlushi i tyre, Tian do të bëhet me një vëlla më të vogël.
“Tian a je gati të bëhesh vëlla i madh?”, ka shkruar Belkiza në videon e zbulimit të gjinisë.
Kujtojmë se në maj të vitit 2020 Rashica u bë baba për herë të pare me vogëlushin e tyre, Tian.