Një aksident tragjik ka ndodhur sot në fshatin Dushar të njësisë administrative Lozhan, në Maliq.
Një kamion tip IFA i ngarkuar me dru, ka dalë nga rruga duke u përmbysur dhe për pasojë ka zënë poshtë një person i cili ka ndërruar jetë.
Mësohet se viktima është 38-vjeçari Marsel Nazifi, drejtor i pyjores pranë bashkisë së Maliqit.
Mësohet se trupi i pajetë është nxjerrë nga banorë të fshatit. Viktima ka qenë i shoqëruar me 4 persona të tjerë për të cilët ende nuk ka informacion.
Ende nuk dihen rrethanat e aksidentit.