Grabitet argjendaria/ Hajduti i maskuar thyen xhamat dhe merr sendet me vlerë

Një grabitje ka ndodhur në orët e para të mëngjesit të sotëm në qytetin e Korçës, ku një person i maskuar ka hyrë në një argjendari dhe ka grabituri bizhuteri floriri.

Raportohet se biznesi i grabitur është në pronësi të shtetasit me iniciale N. F., dhe ndodhej në pedonalen e qytetit.

Grabitësi i maskuar me kapuç mësohet se ka thyer xhamin dhe ka arritur të hyjë brenda ambienteve të argjendarisë duke vjedhur bizhuteritë e floritit.

Shërbimet e Policisë po këqyrin pamjet filmike dhe po kryejnë të gjitha veprimet e nevojshme hetimore, me qëllim identifikimin dhe kapjen e autorit.

Njoftimi i policisë:

Në orët e para të mëngjesit të sotëm, një shtetas ende i paidentifikuar ka vjedhur me thyerje disa bizhuteri floriri, në argjendarinë e shtetasit N. F., në pedonalen e qytetit.

Shërbimet e Policisë po këqyrin pamjet filmike dhe po kryejnë të gjitha veprimet e nevojshme hetimore, me qëllim identifikimin dhe kapjen e autorit.

Ndërkaq, një grup i posaçëm hetimor po punon për zbardhjen e rrethanave të rastit.

Leave a Reply

Your email address will not be published. Required fields are marked *