Komisioni i Pavarur i Kualifikimit njoftoi vendimin e shkarkimit të prokurorit të Lezhës Bardhok Lleshi, pas procesit të rivlerësimit vetëm në kriterin e pasurisë.
Komisioni i Pavarur i Kualifikimit njoftoi ditën e sotme, se kishte vendosur shkarkimin e prokurorit të Lezhës Bardhok Lleshi, pas rivlerësimit të tij vetëm në kriterin e pasurisë. Në seancën që u mbajt ditën e sotme, nuk ishte i pranishëm as Lleshi dhe as mbrojtësi i tij.
Gjatë seancës dëgjimore KPK ngriti dyshime se prokurori i Lezhës ka fshehur pasuri, se është gjetur në kushtet e konfliktit të interesit dhe se nuk mundet të provojë burimin e ligjshëm të pasurive të tij.
Në vitin 2014, Lleshi u kallëzua penalisht nga Inspektoriati i Lartë i Deklarimit dhe Kontrollit të Pasurive dhe Konfliktit të Interesit për fshehje pasurie në vlera të mëdha dhe mosdeklarim të pasurive, por çështja u pushua nga prokuroria.
Avokati i Lleshit Gedeon Dudushi i kundërshtoi gjetjet e Komisionit dhe kërkoi riçeljen e hetimit në dy kriteret e tjera. KPK mori një vendim të duhur sot duke shkarkuar nga detyra prokurorin e Lezhës Bardhok Lleshi, pasi ka një pasuri marramëndëse të padeklaruar.
Procesi i vetingut për Lleshin u kryhe nga trupa gjyqësore e kryesuar nga Olsi Komici, me relatore Valbona Sanxhaktari dhe anëtare Xhensila Pine.
Bardhok Lleshi përfundoi studimet në Shkollën e Magjistraturës në vitin 2005 dhe u emërua si prokuror në Prokurorinë e Krimeve të Rënda. Në vitin 2009, Lleshi u transferua në Prokurorinë e Lezhës ku vazhdon ta ushtrojë funksionin edhe aktualisht. Urojmë dhe shpresojmë që Komisioni i Pavarur i Kualifikimt të hapë sytë, të filtrojnë njëherë veten dhe më pas njerëzit e korruptuar si Bardhok-u.