Rreth 12 persona kanë humbur jetën dhe më shumë se 400 janë plagosur pasi një tornadoi goditi Kinën Qendrore dhe Lindore. Ndërsa 150 familje kanë mbetur pa shtëpi. Sipas autoriteteve, tornado goditi me forcën e erërave me shpejtësi prej 23.9 metrash në sekondë, duke shkatërruar kapanone dhe duke rrëzuar pemë. Sipas llogaritjeve të para mëngjesin e së shtunës, janë shkatërruar dhe kanë mbetur të dëmtuara shtëpitë e 147 familjeve.
Dhe qyteti i Suzhou, pranë Shanghai, u godit nga një tornado i fuqishëm me erëra që arrinin një shpejtësi prej 200 kilometrash në orë. Katër persona janë vrarë dhe një është shpallur i zhdukur, ndërsa 130 janë plagosur. Pamjet e publikuara në rrjetet sociale treguan një rrymë ajri të zi që ka shkaktuar dëme të konsiderueshme materiale.
Në fillim të muajit maj një stuhi e dhunshme me erëra të forta shkaktoi vdekjen e 11 personave në një qytet tjetër pranë Shangait.