SKANDAL/ GJKKO lë në fuqi dënimin, vetëm 6 muaj burg për Luan Dacin

Sot më 08.03.2021, Apeli në Gjykatën e Posaçme Kundër Korrupsionit dhe Krimit të Organizuar (GJKKO), gjykoi çështjen e Luan Dacit. Bëhet me dije se GJKKO ka lënë sot në fuqi dënimin me 6 muaj burg për ish-anëtarin e KPA, Luan Daci.

Gjyqtarit Luan Daci iu konvertua dënimi nga 6 muaj burg në shërbim prove. Daci u dënua për falsifikim dokumentesh për tu bërë pjesë e KPA.

Por Luan Daci e ka kundërshtuar vendimin e gjykatës duke deklaruar se është i pafajshëm dhe se nuk do të largohet pasi ka 109 vota nga parlamenti.

Gjyqtari Luan Daci ka fshehur shkarkimin e tij dhe pikërisht në intervistën me Komisionin Parlamentar ad hoc, Daci e  fshehu shkarkimin nga detyra duke pohuar se kishte ikur me dorëheqje.