Anëtari i KPK-së, Lulzim Hamitaj rezulton të jetë pronar i 4 apartamenteve dhe një toke në Mullet, Tiranë, vlera e të cilave arrin në mbi 400 mijë euro.
Në bazë të disa dokumentave rezulton se komisioneri i Vettingut është pronar i një apartamenti me vlerë 180 mijë euro, si edhe të një garsoniere, me vlerë 60 mijë euro, të cilat ndodhen në kryeqytetin italian, Romë. Po ashtu, Komisioneri Hamitaj rezulton gjithashtu pronar i dy apartamenteve në Tiranë. Njëri, me vlerë 70 mijë euro, është blerë prej tij në vitin 2010, si edhe një tjetër apartament në Farkë, me vlerë 34 mijë euro.
Krahas apartamenteve, komisioneri Lulzim Hamitaj rezulton që ka blerë edhe një tokë në Mullet, me vlerë totale 70 mijë euro. Në përmbledhje, pasuria e paluajtshme, e blerë nga komisoneri Hamitaj arrin në vlerë rreth 400 mijë euro.
Dhjetra pasuri të panumërta pa asnjë mënyrë për tu vërtetuar ligjërisht dhe askush nuk reagon nga ana e organeve kopetente. Drejtësa shqiptare ka degraduar në mënyrën më të shëmtuar të mundshme që kur në krye të KPK-së kanë zënë vend njerëz si Lulzim Hamitaj.