Nga Gëzim SALIU
Mazhoranca ka nisur atë që e cilëson si procesi konsultativ pë zgjedhjen e Presidentit të ri të vendit. Një teatër i radhës nga kryeminstri, sa absurd aq edhe i panevojshëm. Dihet që PS i ka numrat për ti zgjedhur kreun e ri të shtetit, ndërsa shanset që konsulta me opozitën të jetë reale bie sapo kujton deklaratat e kreut të grupit socialist Taulant Balla i cili guxoi deri aty sa të përcaktonte se kush ishte opozita në vend.
Ndërkaq brenda grupit Rama ka nisur një tjetër farsë, duke porositur çdo deputet që brenda një zarfi të përfshijë tre emra që ai mendon për detyrën e Presidentit. Asnjë prej deputetëve të PS nuk ka as besimin më minimal se një prej preferencave të përfshira prej tyre ne zarf do merret parasysh nga Rama, megjithatë urdhri ka qenë i qartë dhe shoë proagandistik duhet përmbushur deri në detaj. Rama ndoshta e ka vendosur me kohë emrin e kreut të ri të shtetit, një njeri që me gjasë do jetë një figurant në atë post, pasi fijet e komandimit do i ketë kryeministri nga zyra pak metra më tutje Presidencës.
Vetë praktika e zgjedhur për të dhënë mesazhin e konsultimit brenda grupit për emrin e ri të Presidentit i bashkangjitet një praktike të njohur nga kinematografia italiane për familjet mafioze, ndonëse konotocioni aty është më pezhorativ se në këtë rast. E megjithatë më shumë se mënyra, rëndësi ka procesi dhe është e logjikshme për çdo shqiptar që nga njeriu që ka shtënë nën kontroll absolut institucionet kryesore të vendit nuk mund të pritet një President i pavarur, me integritet dhe mbi palët.
E ndërsa para syve tanë shfaqet komedia me konslutimin për emrin e Presidentit, realiteti në vend sa vjen e përkeqësohet. Ditën e sotme Fondi Monetar Ndërkombëtar ka ‘groposur’ propagandën e qeverisë mbi rritjen ekonomike duke pohuar se Shqipëria rënditet e fundit në rajon për vitin 2022. Në projeksionin për rritjen ekonomike për vendin tonë FMN e ka ulur atë nga 4.5% që ishte planifikuar në muajin tetor në 2 % në muajin prill. Më herët edhe institucione të tjera ndërkombëtare financiare rishikuan me ulje pritshmëritë për rritjen ekonomike të Shqipërisë.
Nga ana e tij, Rama çdo gjë këto kohë e lidh me pasojat e luftës në Ukrainë, ndërsa asnjëherë nuk jep shpjegim se pse në cilindo raport apo projeksion të institucioneve prestigjoze ndërkombëtare, Shqiëpria gjithnjë rënditet e fundit në Rajon.
Megjithatë ‘bomba’ e ditës do të ishte publikimi në media i një studimi të INSTAT sipas të cilit treguesit demografikë dëshmojnë për zbrazjen katastrofike të vendit, me një statistikë sa dëshpëruese aq edhe tragjike: Shqipëria ka në vit 50 mijë qytetarë më pak. Kujtojmë këtu se këto shifra mund të jenë shumë herë edhe më të mëdha, marrë shkas nga fakti se INSTAT ka një kontroll të fortë nga qeveria dhe shanset e minimizimit të situatës reale në vend janë të mëdha.
Nga ana tjetër në vitin 2019 INSTAT publikoi projeksionet e reja të ecurisë së popullsisë 2019-2031, ku në vitin 2022 popullsia e vendit sipas skenarit pesimist duhej të ishte mbi 2,843,473 persona, por realiteti tregon se aktualisht ajo është 50 mijë persona më pak.
Praktika e ikjes nga Shqipëria për një të ardhme më të mirë është kthyer prej vitesh në një ‘kolonë zanore” të çdo të riu e të reje në vend që ka humbur besimin se ky vend mund të bëhet. E ndërsa të rinjtë ikin, Shqipëria rudhet e njëkohësisht lindjet pakësohen. E kështu si pa kuptuar shkojmë drejt një skenari fatalist për të ardhmen, që sheh vendin si një minishtet në Rajon.
Saga e shpopullimit është një alarm kombëtar i ngritur prej kohësh nga Presidenti aktual Ilir Meta, ndërsa qeveria i është ‘përgjigjur’ këtyre shqetësimeve me një heshtje varri të admirueshme për cilindo antishqiptar në Ballkan e më gjerë. Nga ana tjetër kryeministri është kujdesur ti japë zë “Ballkanit të Hapur”, madje duke glorifikuar shpeshherë edhe sjelljet e Serbisë në raport me Shqipërinë dhe BE-në.
Nëse këtë investim për një projekt që ka shtuar ndasitë mes shqiptarëve, Rama do e kishte synuar te sytrategjitë për inkurajimin e punësimit të të rinjve, me gjasë sot do flisnim për një Shqipëri tjetër. Por realiteti na zbret me këmbë në tokë e na kujton se në vazhdim, përtej të gjitha këtyre që listuam më sipër, na pret një faturë e kripur e energjisë elektrike…